毛記電視主播東方昇日前獲邀為Revlon睫毛液拍攝網絡廣告，廣告中兩女模為爭奪東方昇，被吊到10多層樓高進行化妝比賽，現實生活中，東方昇卻未遇過兩女爭一男的境況，他說：「我絕對唔覺得自己係男神！話自己係男神其實係好戇居，同吳彥祖嗰啲比，實係唔得㗎啦，但你唔話自己係男神，啲人用番平凡人眼光同你比，咁反而望望吓會覺得更順眼，我哋毛記電視都係，我哋永遠都話我哋製作係劣質，咁反而又OK喎。」
東方昇今次艷福無邊，他笑言事前不需要問准女友，問他酬勞是否很滿意？他並不知情說：「唔關搵錢嘅事，因為我一向做開幕後，寫稿呢啲，幕前對我嚟講都幾新鮮。」
採訪：羅慧敏
攝影：沈健程