求驗客手記：
華拉尼腿傷　錯過歐聯歐國盃

今屆歐國盃決賽周，東道主法國被視為奪標大熱，班國腳已經喺周二集結準備展開集訓，迎接下月10日首場分組賽對羅馬尼亞。

不過，皇家馬德里中堅華拉尼（右）就斯人獨憔悴，佢喺早前操練時拉傷大腿，已經確定冇份踢歐聯決賽，𠵱家連法國國家隊都決定唔等佢，由西維爾嘅阿爾拉米頂上入選23人名單，至於同佢一齊贏歐霸盃嘅隊友加美路就仲要等下，暫時仲係喺後補名單上。