【本報訊】中澳法學交流基金會爆出訪京團員「夜蒲」事件後，出任基金會高級顧問的立法會議員梁美芬，昨也加入「跳船」行列，宣佈退出該會。多名建制派議員亦與馬恩國劃清界線，與團長馬恩國同屬民建聯黨友的譚耀宗，更聲稱馬只是該黨一名普通會員，事件與民建聯無關，不會對該黨造成影響。
梁美芬昨現身立法會時被大批傳媒追訪，梁即說會辭去基金會高級顧問一職。梁美芬承認，對基金會爆出「夜蒲」風波，以及馬恩國錯誤引述基本法委員會副主任張榮順言論感到「有啲唔高興」，又稱對有團友夜蒲「絕對不能接受」，指訪京後發現需要檢討現有工作，「我未必兼顧到基金會工作」。
譚耀宗：僅普通黨員
與馬恩國同屬民建聯成員的譚耀宗則指，馬恩國只是該黨普通會員，今次訪京「唔係用民建聯身份去」，故今次事件「唔影響我哋（民建聯），我哋有成3萬幾會員」。另一民建聯議員蔣麗芸則說，全國政協在北京開會時所住的貴賓樓，亦設有卡拉OK，但不覺有男士或女士陪唱，「委員得閒可以去唱K，我成日悶都落去唱一唱，上去兩個星期開會，好正常喎」。
對於今次有訪京團成員被揭唱K攬女，蔣麗芸就指：「佢哋嗰個係咪正常卡啦OK，我唔知喎，我見到有個女仔，但個女仔有着衫、着鞋、着褲，所以好難評論」，又指不熟識今次涉事人士，反問：「佢哋係咪好鍾意唱歌？」
過去曾發表「洗頭艇」言論的金融界議員吳亮星，昨日被問到「夜蒲」事件時，就指「我就冇乜呢啲資料，呢啲我亦都冇乜大興趣」。
■記者林俊謙
