未出動真槍炮，統帥馬恩國已經「陣亡」，點解咁樣講？皆因馬恩國嘅政治生涯幾近玩完。而喺槍林彈雨中，有花生友重提馬恩國爭上位嘅歷史，恭喜政府「逃過一劫」。
到底發生乜事？八方聽聞公民教育委員會去年搵人接任李宗德做主席時，馬恩國嘅大名一度出現過，仲要係由中央政策組推薦。據知負責公民教育委員會嘅政策局、即係民政事務局中人呢，見到呢個名時都好驚訝，因為當時就算未有槍炮論，馬恩國亦曾因為喺立法會爆粗而形象唔討好，若佢要推動公民教育，容乜易又俾人上綱上線？所以turn down咗，最終由彭韻僖接任。
八方相信，民政局中人近日都會抹一額冷汗，而經此一役，政界相信馬恩國冇機會再獲任公職，唔知申請過副局長嘅佢，對從政路會否意興闌珊？