美國有位拜仁慕尼黑球迷叫吉遜（圖），佢眼中真係只有拜仁！吉遜其實好慘情，患上眼部黑色素瘤，右眼完全失去視力，要戴假眼出街。佢本身係個狂熱拜仁迷，所以佢忽發奇想，將拜仁嘅會徽印咗上假眼度，當成眼珠咁。吉遜解釋，咁做除咗表達佢對球會嘅熱愛，仲想多啲人關注眼部黑色素瘤呢種癌症，「呢種病好罕有，仲難見過李斯特城拎英超冠軍，所以冇乜人知。希望呢隻假眼令多啲人關注拜仁同個病。」