F1將會喺下周日上演摩納哥站賽事，唔少車手都已經到咗當地，而且備戰之餘，仲喺周二踢番場衞生波。呢場已經有20年歷史嘅慈善賽，今年由F1明星隊對雲尼亞里明星隊，前者有艾朗素同近期人氣急升嘅韋特本坐鎮，其他人腳仲有馬沙、比堤同加拿斯等。
至於對手唔使講都知係由新任英超冠軍教頭雲尼亞里領軍啦，而隊波最出名嘅應該係摩納哥阿爾貝二世親王。結果F1隊有艾朗素右腳射入一球靚罰球，以3:1贏波，不過都係老土嗰句，慈善賽誰勝誰負冇乜所謂啦。（now672台今日3:55pm直播摩納哥站練習賽）
