靠蒿俊閔喺89分鐘入波，FC山東（魯能、白衫）喺周三亞冠盃16強次回合，作客以2:2逼和FC悉尼，靠較多作客入球打入八強。魯能首回合主場同悉尼踢成1:1，今場仲要兩分鐘就俾悉尼嘅班頓奧尼爾斬罰球直接入網，悉尼領先1:0。10分鐘後，魯能靠禾達蒙迪路追平，但下半場一出嚟，悉尼就由再次領先2:1。89分鐘，魯能嘅蒿俊閔禁區外起腳遠射入網，幫魯能逼和悉尼2:2完場，總比數3:3，魯能憑兩個作客入球晉級。至於另一場，FC首爾踢完90分鐘贏浦和紅鑽1:0，兩回合計1:1，加時後踢成3:3，首爾最後互射12碼贏7:6殺入八強。