【植入廣告罰款風雲】
【本報訊】通訊局與TVB日前就「炸雞事件」多次發聲明，通訊辦對無綫聲言訴諸法庭深表遺憾。TVB行政總裁李寶安昨在股東會後再度反擊，表示「對通訊局聲明深表遺憾」。助理總經理陳樹鴻更質疑通訊局限制電視台創作自由，干預編輯自主，反問當局「係咪歧視炸雞？」
無綫擬上訴 通訊局企硬
通訊局晚上10時半回應指，TVB與其動輒付諸法庭，也許可更積極地回應局方前後兩次邀請，提交建議。局方更指，若TVB決定訴諸法庭，通訊局定按既定程序向法庭回應。
去年底舉行《萬千星輝頒獎典禮》，其間藝人食炸雞，遭炮轟硬插植入式廣告，通訊局日前裁定罰款15萬元。李寶安稱「明明好多電視台外購劇都有植入廣告，係咪外地人做得，本地人唔得？」他表明會上訴，交法庭判決。李寶安又強調上訴不是為15萬元的問題，是原則問題，是為整個行業據理力爭。
陳樹鴻回應通訊局聲明指，「點解盛裝食pizza得，盛裝食炸雞就唔得？係咪歧視炸雞？係咪一定要T恤牛仔褲先食得？」他又指，「短劇冇事，唔係短劇就有事」，質疑通訊局限制電視台創作自由，干預編輯自主。
被問到對於網民的批評，李寶安表示，TVB會衷心聆聽網民意見並改善，又指「重視每一個批評」。但就日前官媒《人民日報海外版》的批評，李寶安就指「自己冇睇呢張報紙」，不作評論。
李寶安更指競爭對手、電盈旗下的免費電視ViuTV「有兩、三點係好事」，「新經營者拎到少量觀眾群都係好事」。他指ViuTV過去5周未有對TVB收視造成影響，「睇唔到有大量觀眾流失」，「上落只係兩、三點」。對於港視申請免費電視牌照，李寶安重申，香港市場細，現時只能容納1至2個免費電視台，政府不能無止境發牌。
■記者梁偉聰