電影《華爾街綁架直擊》（Money Monster）講程式交易背後嘅黑暗，撇開程式交易會否被不當利用不談，其實呢種交易已面世多年，但在港未成氣候，本身有不足之處可能係原因。
近年越來越多人自己編寫交易程式，人腦定好買賣策略後，再交由電腦自動執行操作。究竟電腦係咪叻過人腦？其實程式都係由人手編寫，有電腦幫手執行交易邏輯，就唔駛吓吓坐喺電腦前mon住資產價格變化咁辛苦，但經驗人士話，如果閣下欠缺一個幫到手獲利嘅交易邏輯，就算用程式做交易亦好難搵到食。
不過就算唔識寫程式都可以參與程式交易，因為本港有兩隻以計量模型管理資產組合嘅基金，其中一隻係英仕曼AHL多元化期貨基金。不過表現都幾大上大落，2010年贏11%後蝕足三年，到2014年先有錢賺，但當年回報有三成咁多。分析話當市場明顯上升或下跌時，呢類基金表現先係最佳，一旦市況橫行或升跌轉向頻密，就會影響發揮，可見程式交易嘅局限性唔少。
El.
http://www.facebook.com/moneywalkerhk
本欄逢周四刊出