男女關係除咗講浪漫，另一樣重要元素就係錢──拍拖講錢，結婚講錢，買樓講錢……相見好，同住難，財政問題可以點搞？美國理財網站The Simple Dollar創辦人Trent Hamm為大家分享三個新婚夫婦理財的貼士。
1) 財政不能獨立
兩公婆相處講求互信，不是限你儲私己錢的權利，只係私己錢的數目要得宜，或者大家協議咗一定數目。另外，切勿有一張私己信用卡，萬一畀另一半發現，就會出現信任危機。因為夫婦的財務計劃，例如計劃使費，退休生活等，都是兩個人的事，即使可能偶然變咗大花筒，都畀對方得個知字，兩公婆應該坦誠。
2) 財政目標有共識
一對夫婦齊齊為將來儲錢，一個為退休金努力，另一個人期望周遊列國，目標有落差，使費亦會各異，大家應好好討論如何儲錢，訂立定期目標，例如五年計劃、十年計劃等，即使其中一方此刻目標未必明確都不緊要，維持討論的習慣，便了解對方的需要。
3) 儲錢應急
兩夫婦其中一方突然患病、失業、壞車……種種未知數能構成一筆使費，平時應該未雨綢繆，開個聯名戶口儲錢，有意外時不會周轉不靈。
記者：梁慧琳
資料來源：The Simple Dollar