唔少豐功偉績嘅領隊，都獲得看台命名呢個榮譽，好似奧脫福球場其中一個看台就由費格遜命名；阿仙奴領隊雲格日前就衣錦還鄉，返到出生地法國史特拉斯堡，當地一個叫迪皮甘嘅小村，就將一個全新球場命名為雲格球場，雲格畀面出席開幕禮之餘，仲有600個鄉親出席撐場；迪皮甘村長巴夫亞更建議，法國每個村都要將一個球場命名為雲格。不過呢個雲格新場，都只不過容納500人，比起香港深水埗、九龍灣嘅細場都要細，似乎就寒酸咗啲。