出身小康之家的港姐蔡思貝，近日與男友麥秋成戀情浮面。本報讀者Mary透過本報「爆相爆片」捕獲蔡思貝與麥秋成前日到梅窩拍拖，同行還有巨聲幫何雁詩和張子丰，於下午4時許到銀礦灣度假酒店high tea。讀者Mary大爆聽到蔡思貝呻窮：「我見到蔡思貝食咗碗米粉，佢哋仲叫咗啲點心、雞翼，埋單500幾蚊，但聽到蔡思貝好大聲話：『我冇錢噃！』」
Mary表示見到張子丰先拿出120元，何雁詩就拿出500元：「麥秋成攞300蚊畀埋女友嗰份，最後佢哋都係AA制。」問到蔡思貝稱冇錢是否說笑？Mary反駁：「唔係講笑，佢好認真㗎！」Mary謂期間兩女去洗手間，有食客與蔡思貝say hi：「蔡思貝掂行掂過好鬼寸，好似覺得自己係一姐咁，反而何雁詩就有笑容囉！」
採訪：皓騫
