之前聽英國傳媒話，坐緊監嘅前英格蘭球星阿當莊臣（AJ）想喺監獄入面做健身教練，但據《太陽報》嘅最新報道，AJ喺獄中終於搵到工，就係做髮型師。以前佢踢新特蘭嗰陣一星期有六萬鎊人工，但家陣日做六個鐘，每周只係得20鎊，係以前人工嘅3,000分之一，大概為225蚊港紙。由於怕其他囚犯睇佢唔順眼，AJ𠵱家住緊單人倉；同埋懲教人員怕其他囚犯會藉踢波傷害佢，所以AJ冇做到獄中足球隊嘅教練。