甚受同學歡迎嘅中大校長沈祖堯任期原定至2018年6月,但佢早前話願意提早退場交棒,似乎對校長工作意興闌珊,但國際間對祖堯bb嘅工作高度認同。佢最近獲世界大學聯盟(Worldwide Universities Network)18所成員院校嘅校長推選為聯盟嘅合作委員會主席,領導聯盟發展。
聯盟屬國際高等教育及研究網絡,18所成員院校遍及五大洲達11個國家,合作發展創新方案應對重大環球挑戰,並致力推動四大領域嘅跨學科研究。查實中大2011年先加盟,係本港唯一參加嘅院校,而祖堯bb可以喺未來兩年統領聯盟,認真巴閉!祖堯bb話榮幸獲委以重任,期待同成員努力開拓更多合作機會,會鼓勵中大更多研究人員參與聯盟嘅合作項目。