唔通真係「有錢就是任性」？英超富豪球會曼城據報已經同德甲嘅多蒙特達成協議，以2,600萬歐元（約2.3億港元）羅致蜜蜂兵團嘅中場根度簡。根度簡話晒係德國國腳，又當打又已經喺大賽證明過自己，點解我求大俠仲話藍月亮任性呢？咪就係因為根度簡早前重創，膝頭菠蘿蓋移位，連今夏嘅歐國盃都唔踢得，小道消息仲話佢可能要唞到10月，所以搞到其餘想買佢嘅歐洲豪門好似祖雲達斯、巴塞隆拿同埋利物浦等都縮晒沙。