長和（001）主席李嘉誠早排唔知食錯嘢定感冒，搞到腸胃炎，要請病假幾日，連股東會都去唔到。不過，噚日超人正式回歸，返咗長江中心寫字樓，清番啲工作。李嘉誠基金會個微博，喺噚日下午就post張相出嚟，入面見到李超人西裝骨骨，喺度接受訪問咁。睇落幾精神兼笑容滿面，係塊面消瘦咗啲。
有消息人士話，李嘉誠返工之外，仲幫個遲啲會搞嘅慈善展覽錄音，講吓自己點解行善。佢病緊嗰陣都去過醫院檢查，但唔係好嚴重嗰隻。
之但係今次李嘉誠病嘅時間，咁啱又撞正全國人大委員長張德江訪港期間，好巧合咁去唔到上個禮拜三的歡迎晚宴。
直至張德江走咗喇，李嘉誠先至好番。無嘢嘅，老人家有腸胃炎，自然要休息多幾日啦，只可以話兩位無緣份喇。