【本報訊】文革十年，是李怡從左派作家過渡至反共文人的分水嶺。初時他真心相信，文革是自下而上反對官僚主義、洗滌建制「污泥濁水」的造反運動。直至家人受害、其創辦的雜誌被封殺，他才決心與左派決裂。這對經歷民國與抗戰的愛國文人來說，殊不容易，「認同（中國）呢樣嘢喺我哋人生裏面，特別係中國人，係好重要嘅事，好難擺脫」。
「呢個世界，政治經濟都係一時，文化先係根本」
暴動期間，李怡出版鬥爭漫畫，又在左報撰文諷罵港英殘暴鎮壓。他不諱言左派當時集體患上「幼稚病」，「覺得造反有理，革命無罪，凡是敵人反對的我就擁護，造成暴動基礎」。
民國時代蓬勃的文化事業，在文革覆滅。左派思潮與香港社會脫節，樣板戲沒市場，左派戲院門可羅雀；新聞出版業變質，《文匯》、《大公》天天「鬥港英」，三聯商務儼如毛澤東著作專櫃，全遭港人排斥。李怡說：「呢個世界，政治經濟都係一時，文化先係根本。成個文革最恐怖就係將文化毀滅」。
李怡妻子麗儀在內地教書，他每周到深圳探望，中港邊關荒誕事頻生，「大陸海關十七、八歲𡃁妹仔，學咗革命語言，查行李逐個審。問我返去做乜、探愛人做乜，我點講畀你聽？我話傾吓偈啦，佢又問傾乜嘢」。一打三反運動前夕，妻子麗儀告訴他，有香港小販用報紙包裹物品過關，內地海關指該張報紙是「反動報」，捉他去槍斃。
文革期間麗儀在內地燒掉所有與李怡的情書，依然逃不過隔離審查，罪名是嫁給「特務老公」。李怡因此與妻失去聯絡，經歷了他人生最痛苦的四個月。後來她終被「解放」，帶着女兒來港團聚。
雖然李怡內心多番掙扎，但文革對香港影響有限，他創辦的親共論政雜誌《七十年代》仍保留自主空間，直至雜誌也遭內地封殺，他才決定脫離左派圈子，「太太同兩個女都出咗嚟，冇人質喺佢手，亦係重要條件」，「文革對我最主要教訓係，慢慢覺得唔可以認同一個政權，應該重新認識中國」。
李怡終於看清文革的本質是權力鬥爭。他批評梁振英重施文革故技「群眾鬥群眾」，打壓異己，現今香港比五十年前更淪落，「你可以笑文革群眾幼稚，但真係信（左派思潮）。𠵱家群眾係假，只信權力、攞着數」。然而李怡對香港並不絕望，即使傳統媒體染紅，公義聲音依然在網上彰顯，「任何做得過份嘅事，都一定會好似文革咁物極必反。講到底，人心仲係知道邊樣對、邊樣錯」。