利物浦失落咗歐霸盃，相信好多紅軍躉到家陣都仲未回復過嚟，不過，好彩有報道指球隊今夏嘅首要羅致目標馬里奧葛斯，已經同晏菲路「無限接近」，好可能就快由拜仁過檔喎！不過，有入就自然有出，據史卡迪爾嘅經理人表示，呢名斯洛伐克後衞將會喺今夏離開利物浦，而兩支土耳其球隊比錫達斯同費倫巴治，都對呢名31歲後衞好有興趣。