以輕身、省油及長途飛行等做賣點的空中巴士A350，被稱為史上最受歡迎客機，國泰（293）都大手訂咗48架，近日國泰第一架A350終於交付並飛到嚟香港喇。
國泰在最新的《國泰天地》5月號就披露，之前訂咗的A350-900客機將於本周五（27日）在法國圖盧茲交付，28日起程嚟香港，29日（下周日）抵埗，6月1號即刻服役，首飛商務航線，運作前往馬尼拉的CX901班機，之後亦主要用嚟飛台北同馬尼拉航線。
國泰日前已經廣發邀請函，下周一（30日）在機場飛機庫為A350舉行揭幕禮兼畀傳媒參觀。A350出名內櫳較闊落，乘客腳都伸長啲，唔知國泰版的A350可唔可以落實上述設計喇。
據知第二架A350會在7月加入，之後其足跡會擴大至曼谷，新加坡、胡志明市及關西線。國泰早前先話生意唔好要節流兼凍結招聘，不過公司已講明，措施不會妨礙重大發展項目，包括空中巴士A350型號客機交付。