【本報訊】「情況真係好離譜，啲小朋友只係小學生，啲家長又唔理。」有街坊在深水埗麗安邨公園，見到一群小學生圍埋吸食電子煙，為數多達10人，全部年約十多歲，輪流吸食，「你一啖我一啖」，一呼一吸噴出煙霧，手勢熟練，樣子十分享受。
「好似食糖咁」
《蘋果》記者在該公園遇到數名小學女生正在吸食電子煙，其中一名女童更手持電子煙說：「呢啲對身體無害㗎，係假煙，玩具嚟㗎！」她還向記者展示電子煙管上貼着「假煙無害」的貼紙，又笑指電子煙是「玩具」，無尼古丁和焦油。另一名女童笑說：「好似食糖咁囉！」記者直問其父母是否知情，她說：「知㗎，不過冇理喎，佢哋知呢啲煙係假煙。」其後數名女童更向記者示範如何吸食，又教記者到西九龍中心購買。
家長林太知道有中小學生吸電子煙時說：「政府廣告都話真煙同電子煙嘅毒害一樣，點可以任得（電子煙）佢放喺咁易買到嘅地方。」
■記者林熊