新婚快樂！南華星級控衞羅意庭噚日終於同拍咗13年拖嘅女友勞媛儀（左二）拉埋天窗。喺甲一打滾咗12年，人脈夠晒廣嘅阿庭噚晚就喺尖沙嘴某酒店筵開28席，仲請埋伍家謙做司儀，賓客除咗籃總高層，本地三強球隊包括南華全隊、東方同永倫都有派人到賀，好似東方就有班主黎同光同教練譚偉洋（右），永倫班主許業榮同太太都有出席！