葉楚航馬房「旅遊首席」上仗嘗試跑泥地，結果試出彩虹，在嘉琦BB胯下險勝「歡樂小子」，捧走香港傷健策騎協會盃，打開在港勝門。
當日黃士心身在日本四國，暢遊高知縣、高松縣、愛媛縣及香川縣，錯過了拉頭馬和捧盃機會，周日(22日)此馬再攻贏馬路程，列陣第十場二班1650米泥地，黃士心可否補拉頭馬呢？原來他又不在香港。
黃士心透露，他已由日本轉去英國，與太太參加全球最大郵輪Harmony的首航下水禮，他興奮地分享，指Harmony可載客5,000多人，工作人員則多達3,000多人，合共8,000多人，船身長度達361米，長過巴黎鐵塔的高度。黃士心話要再一次越洋為「旅遊首席」打氣，他指愛駒新勝猶勇，升班負磅減輕，有望繼續有好表現。
黃士心又提到，他旗下康泰旅行社，搞了個「東京5天賽馬之旅」，為「詠彩繽紛」爭安田紀念賽打氣，團費低至3999元，結果大受歡迎。
黃士心說：「安田賽馬旅行團一推出來第一日就滿咗(滿額)，價錢點解咁平，主要係馬會要求，希望益多啲馬迷，唔會蝕嘅，但幾乎冇錢賺，冇乜所謂，我都好開心，可以同啲馬迷喺車中互相了解賽馬經驗。」咁點解安排靚女莎拉隨團呢？黃士心說：「安田旅行團我有參與策劃，至於楊明綸女友莎拉做旅行團評馬人，就係馬會指定嘅！