《變形金剛》第1集真係好正，睇住架車又屈又伸又反轉，就變到隻機械人出嚟，係男仔都一定鐘意。當然，《變形金剛》亦逃唔過續集宿命，故事越出越亂，機械人越來越多，有啲出鏡一秒就死，特別係狂派機械人設計又相似，真係睇到眼花。出到第4集，一直無興趣睇，過咗差唔多兩年，上個月終於睇咗。香港同北京撈埋一齊已經夠好笑，喺港島碌兩下可以碌去個十足張家界咁嘅地方，香港戶外保育的確世界級。最興奮係見到幾隻恐龍，衝嚟衝去。
最近有條30秒短片，影實柯柏文個大頭，透露《變形金剛》第五集，戲名係《Transformers: The Last Knight》，劇情係點已經懶得估，只係希望佢唔好再夾硬攝啲伊利舒化奶入戲，好怪囉。
記者：李聰