「熊」系馬主范邦初的愛駒「至叻熊」和「兄弟熊」早前分別贏馬，他與後駒另外兩位馬主好友何舜華與莫慶雄醫生，在沙田會所筵開三席擺慶功宴，慰勞霍利時馬房員工。除了霍利時伉儷外，田泰安和法國美女騎馬人Xaviere均有出席。范邦初出名劈得（飲得），當晚滿場飛同好友敬酒，盡興而歸。
范邦初早已入籍美國，是美國公民，不時港美兩邊飛，「兄弟熊」周日(22日)再上陣爭連捷，爭第一場新馬1200米草地賽，范邦初將留在港為愛駒打氣，他指愛駒由 1000增程至1200米，對於一匹兩歲質新馬來說，不能說沒有難度，不過霍利時即場派定心丸，話1200米一定no problem。
「兄弟熊」在7匹馬的場合排7檔，即是最外檔。范邦初說：「『兄弟熊』抽七檔有乜得好講吖你話，我自己認為今場得莫雷拉一隻(『秘密武器』)會放到出嚟貼欄走，佢會好着數，我都會叫『兄弟熊』騎師(田泰安)埋欄，跟住搵啲遮擋，入直路搏一段，大家都未跑過1200米，我估啲馬一入直路就散開晒，所以唔會有太大阻擋，自己一個人(馬)可以跑返嚟啦，希望係咁！」