NBA季後賽喺上周五休戰一日，騎士喺今早東岸決賽帶住場數領先2:0優勢作客出戰速龍（now635台今日8:30am直播）。啱啱升上季後賽累積得分第四位嘅勒邦占士（LeBron James），歷來喺季後賽當領先緊兩場嘅情況下，17次全部最終成功淘汰對手，加上騎士喺季後賽戰績完美10戰全勝，速龍形勢實在唔樂觀。
西岸決賽方面，勇士同雷霆暫時打成場數1:1，明早第三場將會移師到雷霆主場，MVP史堤芬居里（Stephen Curry）上場飛身救波整親手踭，不過佢話雖然有啲腫但冇大礙，可以繼續披甲。
