吳君如、鄭詩韻、孫大倫新抱鍾婉琪等昨晚現身灣仔會展，出席「書伴我行基金會」活動，君如更帶同10歲囡囡陳是知現身。君如笑言囡囡最近有轉變：「佢開始有少女feel，𠵱家鍾意聽我同陳可辛成長故事、點識男朋友、爹哋媽咪點識，佢讀男女校，都有啲驚驚哋，不過佢仲好天真，唔好咁快變成熟少女，我唔係乜都爆畀佢聽，講咗好深佢唔明就會隱瞞少少。」
君如又表示已支持活動有5年：「我細個唔鍾意睇書，但𠵱家會引導阿女睇書最緊要，𠵱家要以身作則，成日扮睇書，或將同一本圖書重複講畀佢知，最驚個女話我唔睇，所以我都好絕，有時會同佢講唔好阻住我睇書。」
採訪、攝影：盧妹