下季踢英冠嘅阿士東維拉（圖），喺周三易手被中國睿康集團收購，新主席夏建統（下圖）滿腔鴻圖壯志，一心要將維拉打造成世界級勁旅。
夏主席話今夏會泵水5,000萬鎊（約5.7億港元）畀維拉買人，又話要搵迪馬堤奧做領隊，五年內返英超兼打入前六名，10年後要成為世界最勁三支球隊之一，幾乎要衝出銀河系咁滯，不如腳踏實地啲準備好下季英冠先喇。另外夏主席又暗示，今次交易中國政府都有份提供協助。
