【本報訊】「快啲走呀！有嘢跌落嚟呀！」在城大胡法光運動中心700噸屋頂塌下前，位於5樓的陳大河綜合會堂內仍有10多人，包括打羽毛球的學生及籌備晚宴的工作人員，其中餐廳女經理鄒郁珍（珍姐）見屋頂像花灑般滴水，連同保安組副經理馮炳欣和維修員凌志明，一同呼喚大家快跑。當學生們逃出會堂不到1分鐘，轟隆一聲，整個屋頂塌下，走在最後的珍姐3人，被強大的氣流沖倒受傷。
事發前天花板「彎彎哋」
42歲的珍姐為城大餐廳經理，事發前她與數名同事正籌備本於今晚舉行的城大運動代表隊周年慶功晚宴，另有10名學生在打羽毛球。她工作時突發現屋頂有水珠滴下，其後滴水越來越猛，有同事形容「啲水好勁，好似沖涼花灑咁，不停有水流落嚟」，珍姐感不妙，立即呼喊同事及學生離開會堂。其間保安組副經理馮炳欣接獲通知帶同維修員凌志明到場。
此時，不停滴水的天花傳來「嘞、嘞」聲響，珍姐心中有股寒意，與馮、凌兩人一同大聲叫喚學生和同事快跑，待學生們跑出會堂後，3人亦退出會堂及將大門關上，「唔夠1分鐘，屋頂整幅塌落會堂」。3人被強大的衝擊氣流沖倒受傷，其中珍姐疑心臟病發。
逃出會堂的朱同學，是其中一名打羽毛球的學生。在城大測量學系讀三年級的她向《蘋果》形容事件「不可思議」，能死裏逃生真是好運。她指當時遲了到會堂，「啲同學都打咗半個鐘，突然間有職員大叫，快啲走呀，有天花石屎剝落」。她與同學奔去食堂後，會堂屋頂便塌下。
朱同學說打羽毛球時不覺有異樣，「有同學諗返，當時天花板彎彎哋！」幸她們及時逃生，「好好彩，不幸中之大幸！」快將畢業的她對學校充滿感情，「可能係個hall好大，中間冇支撐位，上面多咗個花圃，近日落雨，去唔切水出事」。
■記者溫瑞麟