周五將於捷克出戰今年第二場比賽嘅百米飛人保特，近日就話一啲都唔擔心喺里奧感染寨卡，仲講笑咁話：「我完全唔驚寨卡病毒，因為我跑得太快，啲蚊都追唔到我！」不過，保特都希望奧運開始前可以控制疫情，保障參賽選手嘅安全。對於國際奧委會近日宣佈，有31名出戰北京奧運嘅選手曾經服食禁藥，並有機會禁止出戰里約，保特就認為佢哋靠禁藥而攞到好成績，真係影衰晒田徑界。