禮拜日沙田九草兩泥賽事，草地用全闊A跑道，睇番上季5月31日遮打盃日亦係用A欄，當日九場轉彎路程賽事，放頭馬無一入Q，反而見到「團圓飛舞」、「雅寶」、「天才」及「澳斯卡」等居中後上馬建功，靠後勁食糊嘅馬不妨優先留意。
今戰列陣馬中，六場「瀟灑王子」及九場「魅力之子」上仗正是於田A欄贏馬開齋，勝後等番同一移欄再跑，應有添食之意。另外，七場「琪麟穎」在近兩次田A欄賽事均有列陣且獲一亞一季，後上馬結合跑道形勢可坐位望贏。
至於兩場泥地分別跑1650及1800米，翻查上月至今七場泥地中距離賽事，一檔馬勁取三勝三位，包括上周末之「鑽之友」及「旅遊首席」亦雙雙勝出，二場「文武仔」及十場「川河猛駒」藉一檔之利可秤先。