【本報訊】「你信唔信我斬你呀？」一名內地婦前日在銅鑼灣購買一杯25元鮮榨橙汁，嫌貴與果汁店職員爭拗，結果謾罵兩小時，又在警員前持刀揮舞，嚇得兩警喝令「放低把刀」，在女警及同行女友人勸喻下離去。
要店員跪地叩響頭
現場在啟超道一間果汁店，前日下午5時許，一名內地婦偕一名女友人經過上址，向店員要了一杯鮮榨橙汁，得知售價25元後當場面色不悅，埋怨價錢太貴，女店員一邊切生果、一邊持刀駁斥，令內地婦以為受威脅，更歇斯底里喪罵。
過百途人駐足圍觀，其中目擊者所拍片段所見，內地婦情緒激動，半鹹淡廣東話粗口罵個不停，其間又取去生果刀，示範女店員怎樣揮刀威脅她：「你信唔信我斬你呀？」警員恐她傷及無辜，大喝「放低把刀」。讀者梁小姐憶述內地婦兇神惡煞，「話果汁店女職員拎住把刀話要斬佢，要求店員跪地道歉，仲要叩3個響頭」。兩小時後，內地婦被勸服離去。
■記者姜偉康