周二NBA進行嘅選秀次序抽籤驚爆內定疑雲！話說76人名宿莫湯保（Dikembe Mutombo）喺抽籤前幾個鐘，喺twitter恭喜定老東家抽到狀元籤，可能醒起自己講錯嘢，佢就即刻刪走條推文，仲道歉話只係太關心76人，而唔係一早知道結果喎。另外，今屆「抽波仔」破天荒咁出現結果同各隊機率掛勾，即係成績最差嘅76人拎頭籌（左），湖人（中）就抽到榜眼籤，塞爾特人（右）就第三。