黃色毛巾、不分顏色嘅雨傘、「我要真普選」橫額，統統成為人大委員長張德江來港後的全城禁忌，一見即（通）殺無赦，民主派立法會議員惟有爭取喺昨日嘅立法會會議上，高舉呢啲禁品，讓張德江睇清睇楚。香港就係咁，越禁越要嗌，最怕有日唔敢嗌、冇人嗌。
抗議記者黃毛巾被沒收
公民黨楊岳橋噚日打咗一條醒目嘅黃色呔；做過記者嘅毛孟靜知道有記者嘅黃色毛巾被保安以「影響航班安全」嘅荒謬理由沒收，Miss Mo就索性將成大條「我要真普選」嘅毛巾披上身。公民黨黨魁梁家傑亦以黃色煲呔、黃色呔示人，當日見張德江都係呢個look。社民連梁國雄亦放下平日嘅哲古華拉tee，換上黃色波衫，夠晒搶眼。
民協嘅logo係黃色，着咗黃色Polo恤嘅民協立法會議員馮檢基話自己着黃色衫唔關張德江事，係因為出席一個單車活動所以咁樣着喎。無論如何，一隻顏色、一條毛巾都能令政權草木皆兵，呢個政權查實都幾小家兼虛怯。
李八方
mailto:[email protected]