張總走了，封路、封盤這幾天，張總一行，的確「一路好走」。CCTVB新聞識做人，訪問途人對封路睇法，有人說「唔介意，這是盛事」。盛事？一街一水馬，縮寫唔係「街馬」，跑癡咪誤會。這天過後，為了表揚張總親民，李波報之類的傳媒，繼續搵路人甲咪嘴交戲：「懷念過去四天，水馬block路，氣氛特別配合到一帶一路的主題！條街好舒服，無晒地盤沙塵，細路哥的氣管敏感好番九成，我老婆的龍蝦型大傷風唔使食藥都無事！多謝國家領導人，叫佢地來多幾趟啦。乜話？地盤工人停工停糧？這個哦，為國家犧牲一下，無計較。地盤工人咁愛國，肯定梁特首唔敢再講，地盤工人、宗教界、體育界對經濟無貢獻！」
趁住文革五十周年來港視察，五千個特警執勤的反恐規格接待，是不會讓張總睇到自由行大媽夜宿櫃員機的睡相，亦睇唔到交通意外後油麻地街坊默默快手撿執遺留在馬路上的香蕉與橙。保安森嚴的行程中，張總打算掃北海道別墅抑或溫哥華價位超過2億的豪宅？一男子有無帶路，介紹BVI律師俾佢？冇？噢bad luck！