社民連近日不斷到人大委員長張德江出沒嘅地方示威、掛橫額，喺一眾政黨中最積極、最投入，有份率領今次行動兼喺事後承認責任嘅社民連主席吳文遠，亦因此知名度大升。以往青靚白淨嘅吳文遠近月開始留鬚，點知因為呢次行動，俾一個剃鬚刀牌子抽水，該品牌喺fb上載文遠大將軍cap圖（圖），然後寫上「不如你剃咗鬚先啦」。
品牌可能覺得只係抽水兼搞笑，但社民連成員為咗要將港人嘅心聲話畀張德江聽，部署多時兼身體力行，要避開警察嘅耳目，然後先可以掛起一張張令政權慌張嘅橫額，力保港人嘅公民示威權利，咁抽水叫人剃鬚之餘，係咪都應該有多一份尊重呢？