俄羅斯美女網球手舒拉寶娃（圖）喺三月承認服食米屈蘖導致藥檢失敗，周三會出席喺倫敦嘅聽證會。食禁藥嘅運動員最嚴重會被禁賽四年，不過好多專家都認為舒娃只會被罰停賽六至12個月，但都會錯過法網、溫網同奧運。其實件事仲有轉機，如果舒娃喺三月一日前體內米屈蘖含量少過一微克，有機會乜事都冇！國際奧委會宣佈31名喺北京奧運疑似食禁藥嘅俄羅斯運動員，喺里奧好大機會被禁賽。