歐洲足協公佈今季西甲最佳陣容，馬德里體育會雖然只得第三，但就有最多五個人入選，好似攻中基沙文、中堅高甸咁，冠軍巴塞隆拿就有三人入選，可惜「MSN」就唔能夠大滿貫，蘇亞雷斯同美斯入圍之外，尼馬（前）就落選咗，梗係啦，剩番個前鋒位畀咗皇家馬德里嘅基斯坦奴朗拿度吖嘛。
至於最佳教練就有啲冷門，唔係巴塞嘅安歷基，亦唔係馬體會嘅施蒙尼，反而係畢爾包嘅華維迪，歐洲足協就大讚佢喺球會重用本土兵呢個方針下，冇外援都拎到第五，表現認真唔錯。
