張德江訪港3日，重頭戲當然係今晚出席酒會，屆時會同泛民議員會面，相信一眾政壇花生友都好想知，4個泛民議員點當住特首梁振英面前，向張德江要求換特首。
之不過，獲邀出席嘅民主黨主席劉慧卿（圖）噚日就話唔見咗張請柬，唔知入唔入到場，要同特首辦了解吓點安排喎。
泛民中人聽到都私下話卿姐搞笑，請得你去又點會因為冇咗張請柬唔入得場！
今次張德江大人訪港，保安去到反恐級別，唔只喎，原來有關方面仲實施「色戒」，有記者帶黃色毛巾去採訪張德江抵港，連毛巾都被收起。不過，公民黨梁家傑用三個字總結佢見張德江嘅行程，就係「打」、「黃」、「呔」。