韓風吹得勁，唔只韓劇熱潮未停過，連韓國出品嘅零食、飲品都一樣咁sell得。經營OK便利店嘅利亞零售（831）行政總裁（CEO）楊立彬話，近年賣多咗來自韓國嘅薯片、即食麵等，貪佢款式多之餘，口味又夠新鮮，年輕客人特別受落。佢仲話，未計飲品類貨品，喺OK便利店內賣嘅零食，起碼有兩至三成來自韓國與日本。
講起日本，楊立彬即刻問大家識唔識「梳乎蛋」（蛋黃哥），事關近年好多人都勁冧呢隻懶懶閒嘅Sanrio卡通公仔，公司仲睇中佢，推出咗一系列精品。楊立彬話，內地人唔太認識梳乎蛋，反而喺香港就好受後生仔歡迎，仲hard sell話如果想儲印花換就要快手喇！