讀者對上周五的文章表現反應熱烈：
（一）「本來兩個星期前有間好出名的公司打電話話畀offer，結果一邊等HR電話一邊覺得唔妥，於是打去問in我嘅人，最後前幾日覆我話policy有變，所以唔請住！佢又話唔使再重新apply職位，心諗唔通等咩！好彩，同一日有另一家公司請咗我！」
（二）「HR唔pro，總有一宗喺左近。大公司，約phone interview，出埋email confirm時間。過咗鐘，冇人打電話來。我打去，冇人聽。再等，再打，留voice mail，冇反應。在約定時間一小時後，我再打去，再留voice mail，話我assume呢次phone interview已經call off。事後冇人聯絡我，冇人交帶發生乜嘢事，我好似發咗場夢咁。」
又有讀者留言「好多HR職責係阻住公司發展同破壞公司形象」，雖然一竹篙不能打一船人，但以我這個資深獵頭這些年來的經歷，留下最多牙齒印的，非HR莫屬！我知HR最憎被我們bypass直接和line接觸。我不是沒有嘗試和他們合作，只能講真的很難溝通而且很受氣！公司越大門越高，HR越是惡兼會耍大牌，畀單生意我們做，好像是施捨一樣，是他們大寶號賜給我們機會，肯請我個candidate簡直是皇恩浩蕩，所以不管開的條件幾mean幾差也好，除了立即say YES，完全沒有商討bargain的餘地。見過鬼當然怕黑，話之你HR不喜歡，一於直接和主管老闆deal。
但竟然可以打死狗講價，close deal之後話冇budget要我減價！遲了半年以上還未找數，客氣打個電話問HR follow up，態度惡劣兇我，咁大間銀行莫非我驚他們會走路唔找數！可有HR不服想平反？
張慧敏
http://www.facebook.com/HKcareerdoctor