澳職墨爾本勝利周二喺主場踢亞冠盃16強首回合，鬥嚟自南韓嘅全北汽車，今個月後就退休嘅艾奇湯臣同迪比亞，最後一次主場出戰都份外落力；不過勝利仍然被汽車逼和1:1，失咗一個作客入球。69分鐘，37歲嘅射手艾奇湯臣（圖）被調離場，全場掌聲歡送，眼淺嘅佢仲流下英雄淚。同日另一場，FC東京由水沼宏太梅開二度，主場2:1擊敗上海SP（上海上港）。