人大委員長張德江今次訪港，能否做到他所說的「看、聽」香港民意，仍是未知數，但從特區政府保安達級數去到擾民程度，不少政界中人直言，已令張今次和諧之旅效果大打折扣。有政界中人笑言，他曾問過一些建制及官場中人，究竟今次要如此擾民方式保護張德江，是中央還是特區意思？那些建制及官場中人均說，弄致如此局面「唔係一隻手掌拍得響」，他們更聽聞內地真的十分擔心張的安全，「甚至真係驚佢（張德江）有生命危險！」
該政界中人笑言，其實早前已有不少報道稱，安排張訪港的國安、公安先頭部隊，個多月前已來港收風，而張訪港前一周，這些人活動更頻密，「佢哋真係好驚出事，一怕示威者、二怕有人喺高位掛張橫額令領導人尷尬、三怕有境外敵對恐怖組織搞事」。
港府「加多兩錢肉緊」
他更笑言早前真的有一些內地先頭部隊人員相當認真地問他，有沒有聽過激進組織可能會搞一些危害張德江生命安全的激烈抗爭！該政界中人笑着對季陶說：「當時真係唔知點答佢好，香港邊有人會搞呢啲嘢！香港班反對派都冇膽做！當然佢哋係國安、公安，或者收到香港人唔知嘅堅料唔定」。
當那些國安、公安先頭部隊也如此緊張，特區警方自然又會較他們更緊張，假如特首梁振英再從中做手腳，再對保安工作「加多兩錢肉緊」，該政界中人稱，整個保安安排自然越搞越嚴密，「咁不斷一級一級由上而下將保安程度加乘，咪搞到今次保安嚴重擾民囉！」最終張德江訪港行程只會在市民投訴擾民下結束，「冇人關心佢嚟香港講咗乜！」
季陶
逢周一、三、五刊出