要減肥，大部份人第一個反應，食生果啦！食生果無問題，很多生果含大量酵素，可以幫助蛋白質和脂肪的分解，例如菠蘿、木瓜、奇異果及火龍果。不過到底怎樣食生果，才最有效有益呢？
1.
原個生果的營養一定保留得最完整，因為水果皮和水果籽其實是生果的營養精華，全部吃下去最有益。而且透過嘴嚼這動作，可以促進口水和消化液的分泌，維持腸道健康。
2.
有人嫌食原個生果太麻煩，鐘意飲果汁。飲果汁的確方便，方便上班族，或者牙齒不好的老人家。不過攪拌果汁的同時，很容易把營養如維他命C破壞。而且幾個生果才攪成一杯果汁，糖份很易超標。
不過果汁的好處，是可以把果皮和果籽都打爛，一齊飲用。而且可以混和其他材料同攪，因為大部份生果偏寒，如果放一些薑或者堅果類同攪，可以減低寒性。
如果想飲果汁，又不想浪費營養，可以選擇慢磨的果汁，慢磨可以減少食材氧化，以及對營養的破壞。如果自己有慢磨機，最好當然是攪完果汁後，跟果渣一齊飲用，就可以吸收最多營養。
資料來源：top1health
記者：李聰