荷蘭新星韋特本真係一戰成名！佢喺上周六首次代表紅牛出賽就喺西班牙站封王，以18歲成為F1史上年紀最細嘅分站冠軍，將維特爾嘅紀錄大幅提前咗兩年210日！不過呢位荷蘭新星喺賽後就話，自己可以表現得咁好，最主要都係因為曾經征戰F1嘅老竇栽培；而36歲嘅法拉利車手拉高倫就講笑，話自己都係習慣同44歲嘅祖斯韋特本同場較量多啲。咸姆頓就為咗同隊友羅斯保攬炒向平治道歉，但就堅持自己夾硬爬頭冇錯。