果然係人逢喜事精神爽，英國網球手梅禮喺星期日自己29歲生日嗰日，喺羅馬網賽男單決賽爆咗個小冷門，以直落兩盤6:3擊敗咗一哥塞爾維亞嘅祖高域，而賽會亦都好有心，喺賽後同梅禮準備咗個生日蛋糕。唔知係唔係之前俾人話做咗老竇之後表現分咗心，所以梅禮賽後就咁講：「我覺得作為人父之後，對我嘅網球事業同職業生涯都有好正面嘅影響。」至於女單方面，一姐莎蓮娜就順利擊敗姬絲捧盃。