禮拜三谷草九場賽事用B欄，睇番最近4月20日同一移欄賽事，除了再出再贏之「勢必跑」可以後上建功之外，其餘頭馬清一色守前四位入直路勝出，其中「珍珠有利」、「多多勁驥」及「四季」更加一放到底，而且走外叠都唔蝕底，「非常堅」及「劍斷浪」沿途三四叠擺前都照贏，檔位偏差唔算嚴重。今戰列陣馬中，第五場「天心星」上仗正是於4月20日谷草B欄贏馬，今次移欄、路程及配搭均一樣，有機會再下一城。另外，第四場「特務飛龍」是全場唯一贏過谷草B欄之參戰馬，憑較佳場地性能及莫雷拉之助，隨時可以取得突破。