【本報訊】香港家庭傭工僱主協會主席容馬珊兒指出，很多香港家庭不生小孩，將貓狗視為家庭成員，大部份僱主在合約註明要照顧寵物，而中介公司亦會叫外傭填寫對各類工作的優次，「如果佢排列（照顧）寵物喺最後，通常僱主見工人唔鍾意照顧寵物，就未必會請嗰個工人」。她指未曾聽過外傭因照顧太多動物提出索償。
容馬珊兒指很多家庭視寵物為家庭成員，會聘請外傭照顧寵物，「直情叫隻貓做BB，『爹哋返嚟喇』咁都有，佢根本當咗係家庭成員，請工人都係為家庭成員先請，你唔可以當佢係extra work（額外工作）」。
數量不符可申訴
容馬珊兒認為僱主在僱傭合約中應該訂明照顧寵物的數量，如果外傭認為照顧動物數量太多，事前應該選擇不簽約。即使寵物數量與合約內文不符，亦可以向入境處作出申訴，或主動提出辭職。
■記者潘柏林