男隊爭番口氣！香港壁球隊噚日喺台北出戰亞洲壁球團體錦標賽四強賽， 由歐詠芝為首嘅女子隊先出賽，可惜最後以1:2不敵印度，無緣決賽；不過，因為賽事冇季軍戰，所以都可以攞到一面銅牌。
女子失落爭金機會，好在有男子隊為香港爭番口氣，佢哋同日出戰四強面對日本，首場鄧銘漮直落三盤擊敗日本嘅林尚輝，之後香港一哥李浩賢再喺第二場，同樣以直落三盤贏埋机龍之介，輕鬆以場數2:0晉級決賽，今日會對印度或巴基斯坦嘅勝方，坐亞望冠！
