【本報訊】「將軍澳工業區好多擺響路邊嘅環保斗，都係『死斗』(絕少移動)，將軍澳工業區好似一個垃圾中轉站。」一直關注環保斗問題的西貢區議員方國珊指，有人為賺到盡就利用環保斗做分類站，將建築廢料混入家居廢料中，以賺取兩者的差價。在將軍澳工業邨就常常有工人將垃圾分類，自去年5月至今，該區的環保斗霸路數字上升了25%，高峰期甚至多近百個。
方國珊認為政府應增設登記制度，如汽車一樣監管貨斗，「因為現時只靠業界自己跟足指引，情況同冇王管一樣，搞到周圍擺」。同時建議在不近民居、外海設立廢物分類站，減少造成衞生問題。
擁有100個環保斗的澤鴻環保集團，其營運經理郭家豪亦指出，行業大難免有枯枝，曾聽說有行家會混合兩者作家居廢料，「家居廢料每噸僅收30元，而建築廢料每噸則收125元，唔排除有人會咁做」。此外，小規模的環保斗公司亦難以應付租地置斗，以致須置放街邊；不過他預計今年建築工程陸續減少，業內生意大跌，隨時令「死斗」增加，「冇生意做，唔會掉咗個斗，咪放住先」。他亦同意政府透過發牌制度解決「死斗」阻街問題，「一來可以抄牌，二來亦都幫咗斗主，可以買保險」。
香港泥頭車司機協會會務主任李志輝解釋，本港只有大型地盤才有空間容納環保斗，「地政批租嘅停車場，條例指明只可以畀有行車證同車牌嘅車停放，就算司機肯畀錢，都唔放得個環保斗」。李志輝估計最少有1,500個斗被迫周街擺，「喺8、9年前，業界已經洞悉問題，一直向政府主動提出點樣解決，但傾咗好耐都冇進展」。
他指出有人提出「一車一斗」，完全不符合環保意義，「浪費時間同埋增加廢氣。」他認為解決方法是提供停放環保斗用地，團體曾提出兩處，分別是屯門小冷水及將軍澳堆填區附近，約可存放300多個環保斗，希望能逐步暫緩問題，惟諮詢卻遭區議會冷待，「用地已經係遠離民居，區議員不斷提出問題，但又唔肯配合解決」。