「四眼cue后」吳安儀上周六喺英國出戰Q School第三圈賽事，真係超驚險，苦戰七局後先以局數4:3反勝英格蘭球手堪富利斯，連續三圈都擊敗男選手晉級！安儀今場同對手喺開賽後各贏一局，但第三、四局就連輸兩局，陷出局邊緣。好在毅力夠嘅安儀冇放棄到，之後仲連贏兩局追平局數3:3，去到決勝局仲一鼓作氣咁以93:0「零封」對手，最終反勝局數4:3晉級，32強將面對英格蘭球手禾姆斯利。